www.radioredondela.com Hoxe é Martes, 7 de Xullo de 2020

Gala vienesa, "Concerto con Fusión" e Xulio Lorenzo para arrancar con música o 2020
Cultura • 31/12/2019
Autor: Ana Prieto

Redondela comezará o novo ano 2020 con concertos para todos os públicos. O xoves, día 2, coa Gala vienesa e a orquestra de saxos, o venres día 3 co espectáculo de humor e percusión de Píscore e o sábado día 4 co músico e compositor Xulio Lorenzo. Todos no auditorio da Xunqueira.


A Orquestra de Saxos de Redondela protagoniza este xcoves un concerto no que o auditorio da Xunqueira se transformará nun teatro vienés. Non faltarán os vals de Strauss e as polcas nunha cita que comezará ás 20.00 horas, con entrada de balde ata completar o aforo.


O venres será a quenda do grupo Píscore co espectáculo familiar "Concerto con Fusión". Música, teatro e humor mistúranse nesta cita con catro grandes percusionistas. Será ás 18.30 con entrada de balde.


E o sábado, día 4, será a quenda do músico e compositor Xulio Lorenzo. O gaiteiro de Mos presentará no auditorio da Xunqueira o seu último traballo "Volver soñar". Entrada 3 euros.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: