www.radioredondela.com Hoxe é Mércores, 8 de Abril de 2020

Teatro familiar con Contos do recreo
Cultura • 13/12/2019
Autor: M. X. Queimaliños

Espectáculo orientado ao público infantil a cargo de Redrum Teatro cunha obra inspirada libremente no Conto de Nadal de Charles Dickens. Música en directo, traballos actoral, títeres maxia e moitas sorpresas é o que nos propoñen nesta obra na que se reflexiona con todo, sobre un tema ben serio: o acoso escolar. A actuación será o domingo ás 18:00 horas no Multiúsos. As entradas teñen un custe de 3 euros.


Continuando a temática de acoso escolar iniciada con "A nena que quería navegar," a compañía presenta esta historia na que a protagonistas é Alicia, unha moza que goza facéndolle a vida imposible as súas compañeiras, e que se verá inmersa nunha aventura que a cambiará para sempre. Alicia terá que resolver os enigmas e superar os obstáculos que se esconden tras a porta dos recreos pasados, presentes e futuros. Aprenderá que a agresividade e a falta de empatía só conducen á infelicidade e a frustración, e que para poder quererse a si mesma e aos demais ten que desterrar esas condutas da súa vida.


A compañía presenta un espectáculo optimista, colorista e emocionante, no que segue co seu traballo co concepto de "reforzo positivo", alicerce crave para previr acósoo escolar. Novamente a música en directo será a protagonista desta coidada produción onde non faltarán os monicreques, a maxia, os efectos de iluminación, unha impresionante escenografía, un álbum ilustrado, e na que o vídeo-mapping porá a guinda de encanto.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: