www.radioredondela.com Hoxe é Venres, 21 de Febreiro de 2020

A Radio

A Radio Municipal de Redondela nace no ano 2002 con vocación pluralista e comprometida coas xentes de Redondela e a comarca.


Como o medio de comunicación máis áxil, inmediato e económico RR tenta contribuír ao fortalecemento da conciencia cívica da xente, do seu espírito crítico e da condición de todos os cidadáns e cidadás, ofertando a todos os veciños, colectivos e movementos sociais, culturais e deportivos a posibilidade de acceder aos seu micrófonos.


RR achega contidos temáticos abordándoos dende o punto de vista e o interese local, e procuramos información interesantes esquecidas noutros medios de comunicación. Reflectimos a actualidade como é: plural, concedendo a voz a todas as opcións políticas e a todos os axentes e grupos sociais.




RR está pensada para todos os públicos e todas as idades. Elaboramos espazos que prestan atención a temas como o cine, as novas tecnoloxías, a ecoloxía, as viaxes, o deporte, a etnografía, a música. Recollemos ofertas para o tempo de lecer e convocatorias para todos e para todas.


RR é un altofalante, unha canle para as mensaxes e reivindicacións de colectivos locais de diverso tipo e intenta por o seu grao de area na procura da igualdade de xénero e da integración social, así como da necesaria promoción da lingua galega

Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia
Axenda
Venres, 21 de Febreiro de 2020 - 19:00
Charla escritura expresiva
Marisé Barreiros impartirá o venres 21 ás 19:00 horas na Casa da Cultura unha charla na que explicará as diferenzas entre a escritura expresiva e a creativa achegando exemplos e suxestións para obter o máximo proveito da escritura persoal.
Sábado, 22 de Febreiro de 2020 - 17:00
Entroido infantil
Obradoiros de disfraces na Alameda de Castealao dende as 17:00 ás 19:00 horas e inchables na Pista da Xunqueira ata as 20:30.
Sábado, 22 de Febreiro de 2020 - 19:00
Música con Paco Nogueiras
Concerto espectáculo Brinca Vai! a cargo do músico e actor Paco Nogueiras. Unha activiades enmarcada no obradoiro infantil que terá lugar o sábado 22 ás 19:00 horas na Alameda de Castelao.
Sábado, 22 de Febreiro de 2020 - 20:00
Top Manta no Vive o teatro
O ciclo de teatro da Concellería de Cultura achega ao Multiúsos a obra "Top Manta" de Fulano, Mengano e Citano. O sábado 22 ás 20:00 horas. Entrada 7 euros (5€ reducida).
Domingo, 23 de Febreiro de 2020 - 12:00
Sesión vermú de Entroido
A Cé Orquestra Pantasma ofrecerá un concerto ás 12:00 horas do domingo 23 na Alameda de Castelao.
Domingo, 23 de Febreiro de 2020 - 12:30
Acto homenaxe a Lois Obelleiro
O voceiro do BNG en Soutomaior, Manu Lourenzo e o deputado Luis Bará participan o domingo 23 ás 12:30h no cemiterio do Salgueirón en Arcade nun acto homenaxe a Lois Obelleiro cando se cumpre o XII cabodano do seu pasamento.
Domingo, 23 de Febreiro de 2020 - 17:00
Desfile de comparsas
Un total de 26 comparsas percorrerán o centro da vila, dende o campo da feira ata Vilavella a partir das 18:00 horas do domingo. Previamente haberá animación musical con Aperta Percusión.
Domingo, 23 de Febreiro de 2020 - 19:30
Festival de corais en Chapela
O Círculo cultural de Chapela celebra este domingo 23 un festival de Corais ás 19:30h que contará coa actuación da Coral Polifónica Ventos do Val de Mos, a Coral San Lorenzo de Belesar de Baiona e a Coral Polifónica Frol Nova del C.C.R. de Chapela.