www.radioredondela.com Hoxe é Xoves, 16 de Xullo de 2020


Política • 16/07/2020

Durante un mes os veciños de Redondela terán a posibilidade de dar a súa opinión en dous asuntos de relevancia para a cidadanía. Un referendo popular no que se somete a consulta cales deberían ser os festivos locais de cara ao vindeiro ano 2021 e se o goberno debe manter ou non o peche ao tráfico nas rúas do centro da vila durante as fins de semana. Dende Participación Cidadá animan aos veciños a dar a súa opinión antes do 15 de agosto. Unha participación que pode ser online a través da web do concello ou cubrindo un impreso que deberán entregar no rexistro municipal.


Cultura • 16/07/2020

O traballo, realizado pola Cooperativa Cal3 e a produtora Meta Creación Audiovisual, é un proxecto da Concellería de Servizos Sociais e quere ser unha homenaxe a todos os que padeceron ou perderon a alguén pola enfermidade así como un xeito de sensibilizar a cidadanía lembrando que o virus segue aí. Proxectarase este venres a partir das 21:00 horas na Alameda nun acto público que será tamén "un recoñecemento aos distintos servizos que no confinamento traballaron arreo para garantir a seguridade da veciñanza".


Cultura • 16/07/2020

O redondelán Manuel Puga Pereira será o encargado de ler o pregón nun acto de inauguración que terá lugar esta tarde ás 19:30 horas na Alameda e no que participará tamén o director xeral de Políticas Culturais, Anxo M. Lorenzo. As librerías Moliere, La Imprenta, Pedreira, Aenea e Cortizas ofrecerán os seus libros cun 10% de desconto o xoves e venres en horario  de 11.00 a 14.00 horas e de 17.00 a 21.00 horas e na fin de semana de 12.00 a 14.00 e de 18.00 a 21.30 horas.


Institucional • 16/07/2020

O Boletín Oficial do Estado publicou onte a aprobación inicial do proxecto co trámite de información pública. A actuación do Ministerio de Transportes, Movilidade e Axenta Urbana conta cun orzamento de licitación de 2,92 millóns de euros para unhas obras que consistirán na reposición e mellora dos viais que se viron afectados polas obras de ampliación da autoestrada na parroquia de Chapela. Concretamente as actuacións afectarán á rúa Pasán e acceso a igrexa, ao Camiño de Mouriño e á ampliación da ponte de San Vicente de Trasmañó.


Política • 15/07/2020

Logo de dous mandatos na oposición e tan só un ano despois de entrar no goberno, o edil presentou a súa dimisión o pasado día 10 alegando "cuestión personais" que o levan a renunciar as súas responsabilidades como Concelleiro de Seguridade, Transporte, Medio Mariño, Interior e Patrimonio. Alberto Álvarez, número 8 na lista que lideraba Digna Rivas, será previsiblemente o seu substituto unha vez a renuncia se faga efectiva no pleno ordinario que se celebra a finais de mes.




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Mai 2019 >>
LMMXVSD
  12345
6789101112
13141516171819
20212223242526
2728293031  

Próximos Eventos...
Venres, 17 de Xullo de 2020 - 20:00
Peter Punk na Alameda
O pallaso Peter Punk presenta en Redondela o seu espectáculo Chungo ke te cagas nunha actuación que terá lugar o venres 17 de xullo na Alameda ás 20:00 horas. Actuación orientada ao público familiar con entrada de balde.
Sábado, 18 de Xullo de 2020 - 22:00
Airiños da Peneda
O grupo de música folk Airiños da Peneda actúa o sábado 18 ás 22:00 horas na Alemda de Castelao. Organiza a Concellería de Cultura.
Domingo, 19 de Xullo de 2020 - 21:30
Airiños do Mar de Teis
O grupo de voces masculinas Airiños do Mar de Teis actúa o domingo 19 na Alameda de Rosalía de Castro en Chapela ás 21:30 horas. Entrada de balde.
Venres, 24 de Xullo de 2020 - 22:00
Concerto fusión
O grupo Pelepau e a banda de música de Chapela únense para ofrecer un concerto o venres 24 ás 22:00 horas no paseo marítimo de Chapela. Entrada de balde previa reserva no mail concertos2020@redondela.gal
Sábado, 25 de Xullo de 2020 - 22:00
Concerto de Guadi Galego
A cantante e excompoñente de Berrogüeto achega a Redondela o seu espectáculo Immersión. O concerto será o Día de galicia ás 22:00 horas no campo da feira. Entrada de balde previa reserva no mail concertos2020@redondela.gal
Domingo, 26 de Xullo de 2020 - 21:30
Carlos do Viso
O lutier e zanfonista Carlos do Viso ofrecerá un concerto na Alameda de Castelao o domingo 26 de xullo ás 21:30 horas. Organiza o Concello de Redondela.
Sábado, 1 de Agosto de 2020 - 12:30
Vermú Cultural con Su Garrido
Arrancan os vermús culturais da Concellería de Cultura coa actuación de Su Garrido na praza Alejandro Otero. A actuación terá lugar o sábado 1 de agosto ás 12:30 horas.
Sábado, 1 de Agosto de 2020 - 21:00
Arume en Reboreda
Actuación do grupo de pandereteiras Arume. O sábado 1 de agosto ás 21:00 horas en Reboreda. Entrada de balde.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia