www.radioredondela.com Hoxe é Xoves, 17 de Outubro de 2019


Sociedade • 17/10/2019

Os veciños da parroquia están chamados a unha asemblea que se celebrará este xoves ás 20:00 horas no auditorio do Centro Cultural co obxecto de acordar, coa maior unanimidade posible, os usos que se lle darán ao antigo colexio que está a ser rehabilitado. A Asociación de veciños defende que o espazo se dedique a usos múltiples, deixando algunhas das súas aulas para albergar un centro de interpretación arqueolóxica dos xacementos de Monte Penide/Mirallo.


Cultura • 17/10/2019

O I Ciclo de Piano do Concello de Redondela déixanos esta fin de semana dous concertos cuxo repertorio xirará en torno á figura do compositor galego Marcial del Adalid. O venres será un concerto a catro mans con Javier Ares e Jorge Briones, o domingo 20 o escenario estará ocupado polo redondelán Alejo Amoedo e Susana de Lorenzo. Ambas as dúas citas serán no Multiúsos ás 19:30 horas con entrada de balde.


Deporte • 17/10/2019

Logo da vitoria no pavillón do U.D.Coles, o equipo de Redondela lidera a grupo de Preferente. Cun plantel renovado, o técnico Kiko Davila amósase satisfeito co rendemento do equipo, do que destaca a súa faceta goleadora. Esta fin de semana reciben á Quinta de Tui.


Sociedade • 17/10/2019

A Asociación Española contra o cáncer de Redondela organiza este sábado unha concentración baixo o lema "Levanta a túa man, porque todos temos un por que e un por quen". Unha iniciativa coincidindo coa data na que se conmemora o Día Mundial contra esta enfermidade (19 de outubro) que busca concienciar e amosar o apoio da cidadanía a todas as afectadas polo cáncer de mama.


Cultura • 16/10/2019

A Asociación Rande Patrimonio Europeo (ARPE) embarcada na loita por defender o patrimonio cultural e industrial existente no estreito de Rande, ten en marcha unha recollida de sinaturas en change.org en resposta ao interese da Autoridade Portuaria de demoler esta infraestrutura alegando que o seu mal estado ameaza ruína. Un argumento que o presidente da asoicación rexeita “o que hai que facer é proceder á súa restauración”. Insiste en que a última palabra neste asunto é da Dirección Xeral de patrimonio xa que se trata dun ben protexido. Baixo o título “S.O.S. Rande” falarase deste e doutros asuntos nunha charla coloquio que terá lugar este venres 18 ás 19:30 horas no Museo do Mar en Vigo e na que tamén intervirá Ramón Patiño do Instituto de Estudios Vigueses.




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Mai 2019 >>
LMMXVSD
  12345
6789101112
13141516171819
20212223242526
2728293031  

Próximos Eventos...
Xoves, 17 de Outubro de 2019 - 18:30
Avelino González en Chapela
O actor será o encargado do contacontos para adultos que a Biblioteca de Chapela organiza o xoves 17 ás 18:30h. Contamos todas é un espectáculo de narración oral no que con moito humor abordará o papel das mulleres nas historias épicas tradicionais
Venres, 18 de Outubro de 2019 - 12:00
Búscase profesor de música
Unha oferta de emprego que chega dende a escola de música de Chapela que busca un profesor para impartir clases a nenos de 0 a 3 anos. Requírese dominio de inglés falado. Envío de currículo a escolademusica@culturaldechapela.org ou no 636124635.
Venres, 18 de Outubro de 2019 - 17:00
Escape Room na Biblioteca
Baixo o nome Atrapados con Alicia a biblioteca organiza esta actividade na que os participantes maiores de 9 anos deberá atopar as pistas que os permita dar coa saída. Será o 18 de outubro con sesións ás 17:00, 18:00, 19:00. Compre inscrición previa
Venres, 18 de Outubro de 2019 - 19:30
Ciclo piano: Dúo Scaramouche
O Dúo Scaramouche, formado por Javier Ares e Jorge Briones, presentarase ao público o día 18 de outubro da man de Luís Costa. O programa que presenta este dúo está integramente dedicado a Adalid. No Multiúsos ás 19:30 horas.
Sábado, 19 de Outubro de 2019 - 11:00
Batalla de Rande
As actividades arrancarán ás 11:00h coa apertura do mercado e a chegada das embarcacións tradicionais. A teatralización central está prevista para as cinco da tarde coa obra "Os galeóns de Rande". Haberá obradoiros de pintacaras e tatuaxe.
Sábado, 19 de Outubro de 2019 - 20:00
Sheila Patricia en concerto
O Multiúsos da Xunqueira acolle o sábado 19 o concerto de Sheil patricia. Unha actuación ás 20:00 horas organizada dende o Concello de Redondela cunha entrada a 3 euros.
Domingo, 20 de Outubro de 2019 - 18:00
Festival Folclore no Camiño
A Alameda acolle o domingo 20 ás 18:00h un festival do Patrimonio Inmaterial do Camiño Portugués da Costa. Participarán a Banda de Gaitas Xarabal (Vigo), a Asociación Cultural A Seneira (Baiona) e o Rancho Folclórico do Sopo (Vilanova da Cerveira).
Domingo, 20 de Outubro de 2019 - 19:30
Ciclo piano: concerto
Alejo Amoedo e Susana de Lorenzo serán os encargado dos concerto que se poderá escoitar no Multiúsos o 20 de outubro ás 19:30 horas enmarcado na I edición do ciclo de piano dedicado a Marcial del Adalid.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia