www.radioredondela.com Hoxe é Mércores, 27 de Marzo de 2019


Política • 26/03/2019

Tan só se debaterán no pleno deste xoves mocións presentadas por AER sobre toponimia, o observatorio municipal da discapacidade e a contabilidade das asignacións dos grupos políticos ao quedar fóra todas aquelas cuestións que non sexan de competencia municipal. Unha situacións que se produce logo de que no último pleno, e a instancia do PSOE, o secretario municipal elaborase un informe no que se establece que segundo o regulamento orgánico do concello só se poden levar a pleno aquelas mocións que cumpran este requisito. Unha situación que baleira de contido en gran medida o debate ao restrinxir enormemente as cuestións que poderán ser discutidas neste órgano político.


Deporte • 26/03/2019

O adestrador do C.D. Cesantes confía en acadar o obxectivo marcado para a presente temporada, recén ascendidos á Segunda Galega. As baixas complicáronlles a competición, pero nesta recta final e co persoal dispoñible "case na súa totalidade", confían en seguir coa boa racha e anotar en Bueu a terceira vitoria consecutiva.


Cultura • 26/03/2019

O Conservatorio de Redondela organiza un intenso programa musical cun protagonista indiscutible: o piano. Durante toda a semana realizaranse charlas e concertos en torno a este instrumento dentro dunha programación que rematará o venres cunha actuación no Multiúsos a cargo dos redondeláns Noemí Salomón e Alberto Vilas. Con esta actividade quérese celebrar a recente adquisición dun piano de cola para o municipio. Nace ademais con vocación de continuidade xa que o obxectivo da directora do Centro, Elisa Arias, e que esta proposta se repita todas as primaveras.


Institucional • 26/03/2019

O alumnados das dúas especialidades eran menores de 30 anos en situación de desemprego que acadan deste xeito a unha formación co obxecto de poder acceder ao mercado laboral. Ademais da formación teórica durante a súa formación realizaron tarefas prácticas sendo unha das actuacións máis salientable a mellora e acondicionamento do paseo peonil da Portela.


Sucesos • 26/03/2019

Os axentes da policía nacional de Vigo procederon a detención dun menor de 16 aos de idade logo de descubrilo cando abandonaba o Instituto da parroquia con varias bolsas  e mochilas ás costas. Ao ser descuberto fuxiu en dirección a Avenida de Vigo sendo interceptado por un axente que sufriu fractura de cúbito e radio, nariz, así como cortes e contusións en pómulos e fronte logo de caer ao chan. O mozo está acusado dun delito de roubo con forza.




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Mai 2018 >>
LMMXVSD
 123456
78910111213
14151617181920
21222324252627
28293031   

Próximos Eventos...
Xoves, 28 de Marzo de 2019 - 12:00
Souto pequeno
Festival de cine e música infantil en Arcade con presenza de artistas procedentes de Italia, Portugal, Arxentina e España. A proxección de películas de animación é a sinal de identidade deste festival no que haberá obradoiros e música. Do 28 ao 31
Xoves, 28 de Marzo de 2019 - 16:00
Doazón de sangue
Unha unidade móbil do Centro de Transfusión de Galicia estará na Alameda Rosalía de Castro de Chapela o xoves 28 en horario de 16.00 a 21.00 horas para recoller doazóns de sangue.
Venres, 29 de Marzo de 2019 - 10:00
Doazón de sangue en Redondela
Unha unidade móbil do Centro de Transfusións de Galicia estará recollendo doazóns de sangue ao carón do concello o venres 29 en horario de mañá de 10:00 a 14.30 e pola tarde de 16:00 a 21.00 horas.
Sábado, 30 de Marzo de 2019 - 10:00
Doazón de sangue
Unha unidade móbil do Centro de transfusión de galicia desprázase a Redondela o sábado 30 para recoller doazóns en horario de 10:00 a 15:00 horas ao carón do Concello.
Luns, 1 de Abril de 2019 - 12:00
Artelixo 2019
Aberto o prazo de inscrición para participar nunha nova edición do Artelixo que encherá as rúas de arte do 21 ao 27 de abril. Inscrición no enderezo artelixoredondela@gmail.com
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia