www.radioredondela.com Hoxe é Venres, 22 de Marzo de 2019


Sociedade • 21/03/2019

Unha sentencia do Tribunal Económico Administrativo de Galicia vén de darlle a razón a Roberto Villar, un veciño de Chapela que denunciara que se lle cobrara irregularmente unha taxa de 60 anos procedente do catastro. Villar alegou que nas datas ás que a taxa facía referencia, a vivenda xa non era da súa propiedade porque o Ministerio de Fomento procedera a súa expropiación en outubro de 2014. A sentenza supón que Facenda terá agora que devolverlle os 60 euros que lle cobraron e abre a porta a que os expropiados pola AP-9 reclamen outras taxas, tanto do catastro como do IBI.


Deporte • 21/03/2019

Os de Soutomaior sumaron a súa cuarta vitoria consecutiva no campo do Caselas. Os resultados do equipo, ascendido esta temporada á Primeira Autonómica, están a superar as mellores expectativas do club. Superado xa o obxectivo da permanencia hai varias semanas, o equipo quere ir agora "a por todas" e parten cunha vantaxe: "non hai nada que perder".


Política • 21/03/2019

Logo de que meses atrás a Xunta local do PP xa confirmase que o actual alcalde, Javier Bas sería por terceira vez o candidato do PP á alcaldía de Redondela, este domingo o candidato popular contará co apoio explícito do presidente do PP e titular da Xunta, Alberto Núñez Feijoo nun acto que se celebrará no Pazo Torres Agrelo. Malia intuírse que poderían repetir na candidatura moitos dos actuais concelleiros, non será ata dentro de 15 días cando o PP desvele a lista ao completo.


Deporte • 21/03/2019

Xa está aberto o prazo de inscrición para a Carreira Infantil da Ostra que se vai celebrar o domingo 31 ás 11:30 horas no peirao de Arcade. Unha proba deportiva que conta con diferentes categorías por idade que van dende os pitufos ata os cadetes pasando por benxamíns, alevíns e infantís. Todos os corredores recibirán a súa medalla de participación e o tres primeiros clasificados de cada categoría terán as súas medallas de ouro, prata e bronce.


Sociedade • 21/03/2019

A Plataforma en defensa do río Vergugo é un dos 20 colectivos galegos que responderon ao chamamento da plataforma a prol do bosque galego, Cousa de Raíces, para participar dunha deseucaliptización simultánea en Galiza, con motivo do Día Mundial dos Bosques que se celebra este 21 de marzo. A tarefa principal da Plataforma en Defensa do Verdugo (Pladever) terá lugar o sábado xunto co colectivo A Rente de Chan e consistirá na deseucaliptización dunhas parcelas situadas nos montes de Gradín de Pontecaldelas.




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Dec 2018 >>
LMMXVSD
     12
3456789
10111213141516
17181920212223
24252627282930
31      

Próximos Eventos...
Sábado, 23 de Marzo de 2019 - 20:00
Concerto Sabela King
O auditorio da Xunqueira acolle o sábado 23 ás 20:00 horas un concerto a cargo de Sabela King and the Heartbreakers. Entrada a venda no Multiúsos a un prezo de 7€ (5€ reducida). Organiza Concellería de Cultura.
Luns, 25 de Marzo de 2019 - 18:00
Obradoiro sobre a prostitución
A Casa da Cultura acolle o luns 25 ás 18:00h un obradoiro de elaboración de carteis cuxa temáticas estarán centrada na Abolición da prostitución: pasamos á acción?. Unha actividade enmarcada na programación do Marzo Muller do Colectivo Paxaretas.
Xoves, 28 de Marzo de 2019 - 12:00
Souto pequeno
Festival de cine e música infantil en Arcade con presenza de artistas procedentes de Italia, Portugal, Arxentina e España. A proxección de películas de animación é a sinal de identidade deste festival no que haberá obradoiros e música. Do 28 ao 31
Luns, 1 de Abril de 2019 - 12:00
Artelixo 2019
Aberto o prazo de inscrición para participar nunha nova edición do Artelixo que encherá as rúas de arte do 21 ao 27 de abril. Inscrición no enderezo artelixoredondela@gmail.com
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia