www.radioredondela.com Hoxe é Sábado, 20 de Outubro de 2018


Sociedade • 19/10/2018

O Multiusos do Piñeiral do Crego inaugura o próximo luns, día 22, un novo proxecto pensado nos maiores. Trátase dun espazo lúdico e recreativo no que cunha sala de lectura, xogos de mesa e tamén obradoiros e actividades de ximnasia. Estará aberto de luns a venres en horario de 10.00 a 13.00 horas, e todas as actividades son de balde.


Sociedade • 19/10/2018

A parroquia de Nespereira lembra estes días os graves incendios de outubro de 2017. A Comunidade de Montes aproveitou o aniversario para advertir "da necesidade de estar preparados para a vindeira crise". Afirman que é preciso limitar a presenza do eucalipto nos montes e aumentar a superficie de frondosas para frear os lumes. Demandan tamén máis axuda da administración "á hora de cambiar a situación dos montes".


Sociedade • 19/10/2018

A Comisión de Seguimento Ambiental do Aeroporto de Vigo aprobou a insonorización dun total de 32 vivendas afectadas polos ruídos no aeroporto de Peinador. A metade delas son do municipio de Redondela, e as demais de Mos. Aena achega para os traballos de illamento acústico 346.000 euros. O grao de execución do Plan é superior ao 70%.


Sociedade • 19/10/2018

A Biblioteca Municipal de Soutomaior en Arcade contará cun novo ascensor que permitirá o acceso a persoas con mobilidade reducida. A mellora das instalacións, que inclúe tamén a instalación dunha nova aula de informática, comezará nas próximas semanas e conta cun orzamento de 38.730 euros.


Sociedade • 18/10/2018

A Consellería négase a repoñer o profesor que eliminaron no centro este curso, malia que o número de alumnos é o mesmo. As solucións que propoñen desde a delegación, cun profesor a media xornada, non convence ás familias xa que a atención aos alumnos "é peor que o curso pasado". Desde a ANPA do centro denuncian "a improvisación" por parte da Consellería e anuncian mobilizacións en Santiago.




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Nov 2018 >>
LMMXVSD
   1234
567891011
12131415161718
19202122232425
2627282930  

Próximos Eventos...
Sábado, 20 de Outubro de 2018 - 10:30
Xornada sobre as algas
O sábado, 20 de outubro, a praia de Cesantes acolle unha xornada sobre a importancia das algas para a biodiversidade dos fondos mariños. A actividade comezará ás 10.30 horas é de balde pero hai que anotarse previamente.
Sábado, 20 de Outubro de 2018 - 12:00
Batalla de Rande
Rande viaxa até o ano 1702 para conmemorar a batalla naval máis importante que se deu naquel entón en España. Ás 12.00 comezarán os actos co desfile inaugural. Haberá dous pases da teatralización da batalla ademais do espectáculo "Tenebrae"
Domingo, 21 de Outubro de 2018 - 18:00
Maxia co Gran Pedrini
O mago presentará o seu espectáculo "Coas mans na maxia" este domingo, 21 de outubro, ás 18.00 horas, no Multiúsos da Xunqueira con entrada de balde.
Venres, 26 de Outubro de 2018 - 20:30
Charla sobre Jella Lepman
Unha ponte de libros infantís é o título da charla que ofrecerá a xornalista e editora Teresa Zataraín o venres 26 de outubro ás 20:30 horas na Casa da Cultura enmarcada nas actividades do 50 aniversarios das bibliotecas.
Domingo, 28 de Outubro de 2018 - 19:00
Certame de Corais de Cedeira
O Centro Cultural de Cedeira continúa o seu XIX Certame de corais. Actuarán a Coral Polifónica de Caldas de Reis, o Grupo de Acordeóns do Centro Cultural de Chapela e a Coral Polifónica A Raíña do este Centro Cultural de Cedeira.
Hoxe na Radio
11:00 - A música da túa vida
12:00 - 18 Rodas
23:00 - Tempo de Jazz