www.radioredondela.com Hoxe é Domingo, 20 de Outubro de 2019


Cultura • 18/10/2019

Un total de 60 actores serán os encargados, baixo a dirección da compañía Kepler T&T, de recrear o combate naval de 1702 que enfrontou ás escuadras anglo-holandesa e hispano-francesa. Esta é tan só unha das actividades previstas para a xornada deste sábado nas inmediacións do Meirande, nas que se inclúen tamén propostas para os nenos, un mercado tradicional, espectáculos de pirotecnia e outras sorpresas, segundo anunciaba o concelleiro de cultura, Daniel Boullosa. Unha recreación que terá que loitar "contra os elementos" xa que os prognósticos anuncia chuvias intensas nalgúns momentos do día.


Política • 18/10/2019

O Colectivo republicano de Redondela organiza este venres ás 20:00 horas na Casa da Cultura unha charla na que se falará dos acordos existentes entre o Estado Español e a Santa Sé e que condicionan cuestións de tanta relevancia como o financiamento ou beneficios económicos dos que goza a Igrexa así como a súa presenza no ámbito educativo. A charla correrá a cargo de José Luis Iglesias do colectivo Asturias laica.


Institucional • 18/10/2019

A subdelegada do goberno, Maica Larriba, aplaude a nova estruturación dos servizos policiais e asegura que dende a integración do equipo de Seguridade Cidadá da Policía Nacional de Redondela no organigrama da Comisaría de Vigo os servizos prestados no noso concello "incrementáronse un 111% en comparación con 2018".


Política • 18/10/2019

Os parlamentarioS do PP, Alberto Pazos e Martín Fernández, reuníronse con concelleiros do PP local e unha representación da Asociación de afectados e veciños de Trasmañó para trasladarlles o seu apoio ante a falta de concreción dos compromisos acadados polo Ministerio de Fomento. "Dende que hai 16 meses chegara un novo Goberno socialista nada sabemos nin da eliminación da peaxe nin das obras de compensación comprometidas polo Goberno do Estado" explican os populares, quen anunciaron a presentación dunha moción para instar ao goberno a que cumpra coa adenda aprobada hai xa un ano.


Sociedade • 17/10/2019

Os veciños da parroquia están chamados a unha asemblea que se celebrará este xoves ás 20:00 horas no auditorio do Centro Cultural co obxecto de acordar, coa maior unanimidade posible, os usos que se lle darán ao antigo colexio que está a ser rehabilitado. A Asociación de veciños defende que o espazo se dedique a usos múltiples, deixando algunhas das súas aulas para albergar un centro de interpretación arqueolóxica dos xacementos de Monte Penide/Mirallo.




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Out 2019 >>
LMMXVSD
 123456
78910111213
14151617181920
21222324252627
28293031   

Próximos Eventos...
Domingo, 20 de Outubro de 2019 - 18:00
Festival Folclore no Camiño
A Alameda acolle o domingo 20 ás 18:00h un festival do Patrimonio Inmaterial do Camiño Portugués da Costa. Participarán a Banda de Gaitas Xarabal (Vigo), a Asociación Cultural A Seneira (Baiona) e o Rancho Folclórico do Sopo (Vilanova da Cerveira).
Domingo, 20 de Outubro de 2019 - 19:00
Teatro en Cedeira
O grupo de teatro A Cividade de Mos porá en escena este domingo a obra "É por aí?... e queda moito?" no Centro Cultural de Cedeira. A cita será ás 19.00 horas con entrada de balde.
Domingo, 20 de Outubro de 2019 - 19:30
Ciclo piano: concerto
Alejo Amoedo e Susana de Lorenzo serán os encargado dos concerto que se poderá escoitar no Multiúsos o 20 de outubro ás 19:30 horas enmarcado na I edición do ciclo de piano dedicado a Marcial del Adalid.
Venres, 25 de Outubro de 2019 - 20:00
Ciclo piano: Paula Ríos
A pianista paula Ríos , presentada pro Carolina Queipo, ofrecerá un concerto no COnservatorio Victor Ureña o venres 25 ás 20:00 horas enmarcado dentro do I Ciclo de piano dedicado a Marcial del Adalid.
Sábado, 26 de Outubro de 2019 - 19:30
Ciclo piano: Antonio Queija
Pecha o primeiro ciclo de piano do Concello de Redondela un ocncerto a cargo do cubano de orixe galega Antonio Queija con presentación a cargo de Margarita Viso. O sábado 26 ás 19:30 horas.
Domingo, 27 de Outubro de 2019 - 18:00
Teatro con Viravolta títeres
Arranca o II Ciclo de treatro infantil coa obra Peer Gynt de Viravolta Títeres. O domingo 27 ás 18:00 horas no Multiúsos da Xunqueira. Prezo 3 euros. Organiza a Concellería de Cultura.
Sábado, 2 de Novembro de 2019 - 20:00
Ibuprofeno Teatro no Multiúsos
A compañía Ibuprofeno Teatro presenta a obra O Furancho no Multiúsos da Xunqueira o sábado 2 de novembro ás 20:00 horas. Entrada 7€ normal (5 reducida). Organiza o Concello de Redondela.
Domingo, 3 de Novembro de 2019 - 20:00
Luis Zahera no Multiúsos
O ciclo Humor na súa tinta presenta o domingo 3 de novembro ás 20:00 horas o monólogo do popular actor Luis Zahera. Organiza Moitamerda promocións en colaboración co concello. Entrada 10€ anticipada, 13 na billeteira.
Hoxe na Radio